ຫົວໜ່ວຍທີ່ມີໜ້າທີ່ລາຍງານ.
ຫົວໜ່ວຍທີ່ມີໜ້າທີ່ລາຍງານ ແມ່ນ ນິຕິບຸກຄົນ ແລະ ການຈັດຕັ້ງ ທີ່ມີພັນທະລາຍງານຂໍ້ມູນ ຫຼື ການເຄື່ອນໄຫວທີ່ສົງໄສວ່າເປັນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ຕໍ່ສຳນັກງານຂໍ້ມູນຕ້ານການຟອກເງິນ.
ຫົວໜ່ວຍທີ່ມີໜ້າທີ່ລາຍງານ ມີຄື ສະຖາບັນການເງິນ ແລະ ສະຖາບັນທີ່ບໍ່ນອນໃນຂະແໜງການ ການເງິນ ຊຶ່ງມີລາຍລະອຽດດັ່ງລຸ່ມນີ້:
1. ສະຖາບັນການເງິນ ໝາຍເຖິງ ທະນາຄານທຸລະກິດ, ສະຖາບັນການເງິນຈຸລະພາກ, ບໍລິສັດ ໃຫ້ກູ້ຢືມ ແລະ ໃຫ້ສິນເຊື່ອທຸກປະເພດ, ໂຮງຊວດຈຳ, ບໍລິສັດເຊົ່າສິນເຊື່ອ, ບໍລິສັດຮັບບໍລິ ການໂອນເງິນ, ຮ້ານແລກປ່ຽນເງິນຕາ, ບໍລິສັດປະກັນໄພ, ບໍລິສັດຫຼັກຊັບ, ບໍລິສັດບໍລິຫານ ຊັບສິນ ຫຼື ອື່ນໆ;
2. ສະຖາບັນທີ່ບໍ່ນອນໃນຂະແໜງການເງິນ ໝາຍເຖິງ ບໍລິສັດ ຫຼື ຕົວແທນຈຳໝ່າຍ ແລະ ບໍລິຫານເຄື່ອງມືການຊຳລະທາງດ້ານການເງິນ, ບໍລິສັດຕົວແທນຊື້-ຂາຍ ອະສັງຫາລິມະຊັບ, ທຸລະກິດ ຊື້-ຂາຍວັດຖຸມີຄ່າ ແລະ ເຄື່ອງເກົ່າ, ສະພາທະນາຍຄວາມ ຫຼື ວິສາຫະກິດກົດໝາຍ, ອົງການທະບຽນ ສານ, ບໍລິສັດກວດສອບບັນຊີ, ກາຊີໂນ ຫຼື ອື່ນໆ.
ການລາຍງານ.
ຫົວໜ່ວຍທີ່ມີໜ້າທີ່ລາຍງານ ມີພັນທະຕ້ອງລາຍງານທຸລະກຳຕ່າງໆ ຕາມທີ່ໄດ້ກຳນົດໃນກົດໝາຍວ່າດ້ວຍ ການຕ້ານ ສະກັດກັ້ນ ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໃຫ້ແກ່ສຳນັກງານຂໍ້ມູນຕ້ານການຟອກເງິນ ເຊັ່ນ:
1. ທຸລະກຳສົງໄສວ່າເປັນການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍ;
2. ທຸລະກຳເງິນສົດ ທີ່ມີມູນຄ່າເກີນກຳນົດ;
3. ທຸລະກຳອື່ນຕາມການກຳນົດຂອງສຳນັກງານຂໍ້ມູນຕ້ານການຟອກເງິນ.
ດາວໂຫຼດແບບພິມ ແລະ ຄູ່ມື ການລາຍງານ.
ແບບພິມ ການລາຍງານທຸລະກຳທີ່ສົງໄສ (Suspicious Transaction Report - STR)
ໜ້າປົກການລາຍງານທຸລະກຳເງິນສົດ ທີ່ມີມູນຄ່າເກີນກຳນົດ (Cash Transaction Report - CTR)
ແບບພິມ ການລາຍງານທຸລະກຳເງິນສົດ ທີ່ມີມູນຄ່າເກີນກຳນົດ (Cash Transaction Report - CTR) ສຳລັບບຸກຄົນ
ແບບພິມ ການລາຍງານທຸລະກຳເງິນສົດ ທີ່ມີມູນຄ່າເກີນກຳນົດ (Cash Transaction Report - CTR) ສຳລັບນິຕິບຸກຄົນ
ແບບພິມ ການລາຍງານ ການແຈ້ງ ເງິນສົດ, ວັດຖຸມີຄ່າ ແລະ ເຄື່ອງມືທາງດ້ານການເງິນໃນເວລາ ເຂົ້າ-ອອກ ສປປ ລາວ (Cross Border Report - CBR)
ຄູ່ມືການນຳໃຊ້ລະບົບການລາຍງານ ຜ່ານລະບົບອອນລາຍ ຂອງ ສຕຟງ
